بسم الله
من زمااااااااااااااااان ما كتبت بوست عادي كده..
المهم…
كتبت الموضوع دا عشان يكون ورشة شغل لنا نتشارك في أفكارنا عشان نرتقي بدفعتنا…
لأنو الحال كده مررررررررررررررة ما يمشي…و ما ينفع نستمر كده…
وصال تعبت … سفو تعبت … أفنان تعبت … و ربى شكلها راح تستقيل في النهاية D:
اللي نبغاه اننا نحط خطة بسيطة و مرتبة في نفس الوقت عشان تتنظم الدفعة و تتعاون أكتر من كده لسه باقيلنا سنتين…
عشان كده نبغى نريح نفسنا فيها من دي الناحية و نتفرغ أكتر لدراستنا…
و إن شاء الله الخطة دي في النهاية توصل لوصال و راح نحاول قد ما نقدر نخليها توافق و تقتنع بيها…
دحين بالنسبة للموقع عندي له شوية أفكار:
سفسف قالت انها تبغى تفتح واحد لنا على الوردبريس و يكون مقفل يعني بس احنا البنات ندخله…
لمن حنفتح موقع يعني لازم يكونون في تيم ماسكه و التيم دا لازم له ليدر و سبليدر مسؤولين عنه و بعد كده اعضاء التيم نفسه…
بالنسبة للموقع المفروض على الأقل على الأقل عدد أفراد التيم ما يقل عن 15 وحده و أنا قلت هنا 15 لأني عارفة لكاعة بنات دفعتنا…
و في نفس الوقت ال 15 دول يكون موزع عليهم الشغل يعني مثلا زي ما كانت عاملة سفانه كل وحده لها يوم و تكون مسؤولة في عن رفع كل حاجة … المواضيع تنزلها الليدر أو السب ليدر حقتها لأنو طبيعي الواحد أحيانا تجي ظروف تعطله و لو وحده من بنات التيم ما قدرت تشتغل في يومها لأي سبب كان لازم تبلغ الليدر عشان هي تلحق و ترتب مع وحده تانية تمسك بدالها بدل ما يترام الشغل كله على راسها (هاء المخاطبة هنا عائدة على الليدر)…
طبعا في أشياء كتير تانية أنا ما أقدر أتكلم عنها لأنو الموقع مو شغلي و ما أعرف فيه شي بس حبيت أقول رأي…
بالنسبة للفلوس:
آااااااااااااااه و ما أدراك ما الفلوس <<< عقدتي صايرة الأيام دي... لازم تكون في لجنة مسؤولة ماسكة الميزانية و المصاريف أما حكاية ما نوثق في البنات و الكلام دا مررررررررررة ما تمشي... بما اننا السنة الجاية راح نكون قروب زي الترم الأول حق سنه رابع معناها: في كل قروب في بنت مسؤولة تجمع الفلوس و يكون معاها لستة بأسماء البنات بعد كده المفروض في وحده كمان مسؤولة عشان تلم الفلوس كلها من 14 بنت... الفلوس بعدها لازم تنحط في البنك في حساب للدفعة و بطاقته تكون مع نفس البنت دي اللي بتحط الحساب في الفلوس (يعني هي اللي تكون المفروض ليدر اللجنة المالية) بعد كده راح تتفق مع أصحاب المكاتب اللي بنتعامل معاهم... لازم في دفتر يسجلوا هم فيه أسماء الشيتات اللي بصوروها و كم عدد أوراق كل شيت و كم نسخة صوروا من كل شيت...إلخ المهم انو كل شي مكتوب ... و يصير هي تسحب من الفلوس و تحاسبه مثلا كل شهر و لا كل شهرين على حسب بكده ما يصير تتراكم الديون على دفعتنا العزيزة و لا يصير مصيرها السجن في النهاية...
في أفكار تانية عشان اللجنة العلمية كمان و تنظيم القروبات…إلخ
بس كفاية كده اليوم خلي الكلام الباقي في الأيام الجاية
مزبوط شوسو
زي ما قلتلك اني عندي نسخة من الخطة اللي كتبها حسام بداية سنة تانية
وسماها النشرة التعريفية لتنظيم أعمال الدفعة
إن شاء الله يمديني أعملها سكان وتشوفوها عشان نعدل عليها شويتين
بس في المجمل كان حاط أول شي
الأهداف العملية (متطلباتي كطالب)
بعدين اللجان التنظيمية
أولا آلية اختيار الليدر ورؤوساء اللجان
وبعدها توزيع اللجان التنظيمية والمسؤوليات
وتحت كل لجنة مسؤولياتها
اللجنة الإدارية – لجنة التنسيق والإعداد اللي هي اللجنة العلمية – لجنة التواصل والدليل – الإدارة المالي والتموين – لجنة الفعاليات – لجنة التوثيق والأخبار – لجنة الاستشارات الطلابية
بعدين شجرة التواصل
وحاجات زي كدا
زي منتو ملاحظين في لجان أسماءها عجيبة وما تدل على شي
وفي حاجات نحتاجها
طيب برأيي أول شي نتفق ع اللجان اللي المفروض تكون موجودة والمفترض تكون في وحدة مسؤولة في كل لجنة
وكل لجنة مهامها موحدة
وعلى كل لجنة تقديم تقرير أسبوعي لوصال
وبكدا وصال ما تضطر تجري ورا أحد
ولا من حقها التدخل في مهام المسؤولة إلا إذا تأخرت تأخر مرة شديد في وقت حرج جدا
وأهم شي يتم توضيح كل المهام وأسماء المسؤولات بشكل واضح وصريح لكل الطالبات
سواء في اليوم الأول أو في الموقع وعبر نشرات الدفعة
عشان وصال ما يكون عندها عذر انو البنات بتسأل
أي وحدة تسألك حوليها على اللجنة
كل لجنة عندها ايميل تدخل عليه السؤولة ونائبتها ويتم التشييك عليه يوميا
والرد ممكن يكون شبه يومي << لو عندها سمارت فون حتسير الشغلة أسهل كتير اش كمان بس طيب اش اللجان اللي أقترحها عندنا اللجنة العلمية لجنة التواصل يدخل تحتها لجنة الموقع والرسايل لجنة الأخبار والتوثيق لجنة الشيتات لجنة الفعالياات اللجنة المالية اللجنة الإعلامية << وإن ما كنا نحتاج لها دايما يعني مو شرط يكون في كل جروب عضو إلا إذا كانت المسؤولة عندها خطة قوية بما إننا حنكون مجموعات نحتاج من كل مجموعة عضو في كل لجنة ودا الشي يكون جاهز من البداية بحيث كل ليدر تستلم ورقة أسماء مجموعتها تستلم معاها ورقتين تحدد فيها المسؤولات في كل لجنة وحدة تديها لوصال ووحدة عندها وعند اكتمال تلات ارباع الجروبات نعمل إجتماع لرؤوساء اللجان وياخدو أسماء البننات ببيانات التواصل معهم وكل مسؤولة ترتب مسؤوليات العضوات وممكن تعمل معاهم اجتماع تحضرو وصال إذا حبت وإن كنت أفضل إنها تعرف النتائج فقط وطبعا زي ما حصل العام الماضي ما كان في تفاعل صح من كل اللجان في اللجنة العلمية عشان كدا كل مسؤولة رح تحط من البداية مسؤوليات للمجموعات النشيطة وأخرى للمجموعات الخاملة دا اللي عندي من الناحية التنظيمية
وااااااو يا طول الرد حقي
طيب نخلي الموقع آخر شي
نجي ع المسجات
دا الشي حيكون تحت تحكم اللجنة المالية
الموقع الجديد يدعم الدفع بالفيزا
يعني بكل بطاطة ممكن بدل ما نحول ونطلب ونستنى يشحنو
اللجنة المالية اللي المفروض يكون عندها حساب في البنك
تحط الفلوس في بنك عندو خدمة الفيزا المسبقة الدفع يعني كل مرة نشحن الفيزا حقتنا
ممكن عشان الثقة وما الثقة رقم الفيزا ما يكون غير عند وصال ومسؤولة اللجنة المالية ولجنة التواصل
يعني إذا مسكت لجنة التواصل اللي هي الموقع + الرسايل
رح أمس شحن الرصيد فقط حاكون تقريبا سوبرفايزر
وباقي الشغلات تمسكها الليدر ..
باقي الشغلات زي تعديل الأرقام – مشاكل البنات – تغيير المجموعات
عمل باك اب كل شهر
ارسال المسجات حيكون في يد العضوات من كل مجموعة
أو في يد ليدر المجموعة ومسؤولات اللجان إذا بدهم يرسلو
وصال حاليا بتجمع بيانات الدفعة
المفروض تتاخد البيانات قبل الدراسة وتدخل ع الاكسل بطريقة مرتبة وسهلة
وتكون في وحدة مسؤولة عن ترتيب البيانات وتوزيعها
أو ممكن من دحين تنحط في جوجل مستندات
بحيث أول ما تنزل التقسيمات الجديدة
نقسم الأسماء
وكل ليدر تدخل على بيانات العضوات وتعدل وتحدد بنات اللجان
بعدها مسؤولات اللجان أو نائباتهم ياخدو معلومات البنات اللي معاهم
نائبة المسؤولة في اللجنة مو شرط تكون هي العضو من الجروب
زي ربى كانت نائبة أفنان
بس اللي مسؤولة عن العلمية كانت رفو
طبعا الكلام الأخير يلغي الكلام اللي في الرد الأول 🙂
نجي ع لجنة الموقع
سواء كنا لوحدنا أو مع الأولاد
وإذا كنا مع الميل مارح أسمح لأي واحد يكون سوبرفايزر عليا
رح أحط تقسيمات تمشي علينا وعليهم
وإن كان في حاجات مارح يسويها غيرنا
ما علينا
زي ما قالت شوسو
كتابة المواضيع والأخبار رح يختص بها المسؤولين فقط
دا بالنسبة للمواضيع الرئيسية
مواضيع الاختبارات أفضل إنها تترتب بالاتفاق بين اللجنة العلمية والليدر
ولو كانت تجيني من العلمية أفضل << اجل اش شغلتكم انتو 😛
ومواضيع الأخبار تجيني من لجنة الأخبار
ومواضيع الفعاليات من لجنة الفعاليات
والاعلانات نفس الموضوع من اللجنة الإعلامية
وصال مثلا يوصلها مسج عن دورة عن اي بلا
تعملو فوروورد للجنة الاعلامية وهي بدورها تسأل عن التفاصيل وتحكم هل دا الشي مفيد للدفعة أو لا
وهكذا .. بدي الطريقة وصال تحتاج رصيد عشان ترسل المسجات
طيب دي المواضيع الرئيسية
نجي على مواضيع المصادر
اللي كل يوم نرفع فيها الملفات والصوتيات والملخصات
عندنا الصوتيات
حاليا عندي بنتين .. يكفو وإذا لقيت أحد زيادة حطيتها احتياط
بالنسبة لي ما احتاج تسجيلات السشنات اللي كل مجموعة لوحدها .. بغض النظر عن كون العلمية يحتاجوها أو لا
تسجيلات المحاضرات .. نحاول قدر الإمكان رفعها في نفس اليوم على الساعة ٩ الليل كحد أقصى
بعد تحويلها لصيغة الـ amr
ملفات الدكاترة ..
اللجنة مسؤولة عن المحاضرات فقط
وفي حال السشنات على اللجنة العلمية التكفل بالموضوع ومقارنة الملفات ثم تحويلها للموقع
يتم تحديد من ٢ إلى ٣ طالبات جريئات يروحو يطلبو المحاضرة من الدكتور ويرفعوها في نفس اليوم
بعد طبعا وضعها في القالب المخصص للدفعة .. ورفعها كملف pdf
الملخصات ..
كما جرت العادة .. بعد اعتماد أي ملخص
نتأكد من وجوده في القالب الصحيح وتحويله pdf ومن ثم رفعه
سيتم تعيين من ٢ إلى ٣ طالبات للمهمة بحيث يكون لديهن اتصال انترنت متوفر دائما
وسيتم تحديد العاشرة مساء آخر موعد رسمي على الطالبة إنها تشوف الايميل وتتأكد
وهذا لا يمنعها من الاستمرار في التحديث والرفع بعد ذلك ويحسب في صالحها
بعدها احتاج لجنة متابعة تعليقات الطالبات
تتكون اللجنة من ٢ إلى ٣ طالبات إن وجد
وإلا فسيكون على الطالبة المشرفة على الملخصات هذا العمل
بحيث تعتمد الردود المثرية للمواضيع وتحاول الإجابة عليها بقدر استطاعتها
ورفض التعليقات المكررة أو التي لا تمت للموضوع بصلة
هذا فيما يختص بالمواضيع العادية
أيام الامتحانات
رح يتم تجنيد الطالبات الموثوقات في عملية مراقبة التعليقات والإجابة على التساؤلات
وإن كنا مع الطلاب
وكانت مواعيد اختباراتنا غير مواعيدهم ..
سيستلمو المهمة عنا .. وسنستلم المهمة عنهم ..
لأن الهدف من وجود المراقبة هو الحد من التعليقات الغير مرغوبة والمكررة وليس من مهامنا الإجابة عليها
يمكنهم الموافقة علي التعليقات دون الإجابة
وإن أراد عضو الملف بصيغة أخرى يمكنهم إعادة تحميله وإضافته كتحرير للرد وليس رد
حتى لا يتسبب وجود أسماءهم داخل مواضيعنا أو زسمءنا داخل مواضيعهم أي حزازيات
وإلا
فكل فريق سيستلم أيامه
المهم في الموضوع
أن التوزيع سيتم بحيث لا تزيد فترة المراقبة في اليوم عن ست ساعات
وفي هذه الفترة تتم المراقبة كل ٣٠ لـ ٤٥ دقيقة وليس كل ثانية
في النهاية سأضع لجنة جديدة أستطيع تشغيل من لا يحب الاستمرار في العمل
وهي لجنة الأرشفة ..
بحيث يكون عملها بعد الانتهاء من كل سستم هو تجميع الملفات كلها بصيغة البي دي اف
وتتأكد من تسميتها وترتيبها واكتمالها
وتسليمها لي
وجزء آخر سيجمع تسجيلات المحاضرات ويعيد تسميتها وتحويلها لـ mp3
وإضافة شعار الدفعة فيها
وتسليمها لي
في موعد أقصاه أسبوع بعد انتهاء السستم
يتم رفع جميع المواد وتجهيزها للسنوات التي تلي ذلك
هنا أقترح تقسيم للجنة العلمية
لجنة الملخصات
وهي التي تقوم بالتلخيص
وأخرى تعنى بكتابة أسئلة الامتحانات بعد الانتهاء منها
وأخرى تعنى بامتحانات السنوات السابقة
وأخرى بجمع المصادر وترتيبها كعروض السشنات أو تحديد أي الكتب أفضل وتسجيلات السشنات
يعني من البداية الجروب اللي ما بيشتغل تلخيص من بداية السستم يمسك أسئلة السنوات الماضية
أو يتم توكيل أسئلة الامتحانات له
أظن كدا كفاية عليا اليوم
بكرا أكمل الشيتات والمالية 😛
سفسف يا سفسف
كلامك حلو بس حسستيني كأنك بتكلمي حسام D:
طبعا كلامك عن الموقع وجع لي راسي بس أتوقع حلو أنو يكون الشغل كده مرتب و موزع عشان ما يكون في ضغط على بنات التيم…
المشكلة دحين انو الكلام الكتير دا و اللي لسه ما خلص يبغالو بنااااااااااااااات و بناتنا الله يستر عليهم مدلعين على الآخر فما أدري كيف راح نمشي دا الكلام عليهم …
نجي للجنة العلمية:
عجبتني التقسيمات اللي حطيتيها
بس على كده نحتاج من كل قروب عضوة في كل قسم و بكده نرجع للكلام الأول ان البنات ما بيشتغلوا يعني من 17 بنت 4 بالكتير هم ممكن اللي يعطوك وجه و يشتغلوا شغلهم..
إلا إذا خلينا الموضوع ماله علاقة بالقروبات
يعني في كل قسم بنات معينين احنا نعرفهم و يعرفوا يشتغلوا في القسم مثلا: أمول و رواء و مريم الشيخة يكونوا مسؤولين عن كتابة الأسئلة بعد الاختبار و على كده ما راح نطالبهم بأي شغل تاني في اللجنة…
أنا معاك في باقي اللجان اللي اقترحتيها
بس المشكلة في لجنة الملخصات:
يبغالها بنات مررررررررررة كتير إذا كنا راح نشتغل زي السنة اللي فاتت..
او أننا نختار وحدة تكون مررررة ممتازة و يُعتمد عليها تكون هي ليدر القروب بالنسبة للجنة العلمية و بكده تكون هي المسؤولة عن اتخاذ القرار إذا السشن يحتاج تلخيص و لا لأ و بكده راح يخف الشغل على البنات و عليها هي كمان…
زي ما صار السنة اللي فاتت كل قروبين مسؤولة عنهم كوردينيتر و بالتالي حيكون عندنا 7 كوردينيتر كمان يكونوا مسؤولين عنهم بنتين وحده تمسك 4 قروب و التانية 3 عشان يتابعوهم أول بأول…
دول البنتين هم اللي راح يوصلوا الشغل لإيميل اللجنة اللي راح يكون منفصل عن أيميل الموقع…
و بالتالي ما راح يوصل أي شي لإيميل الموقع الا وهو خلاص معتمد و نبغاه يوصل للبنات بالشكل دا…
من البداية في فورم معين يوصل لليدر كل قروب و راح توصله للبنات اللي يشتغلوا معاها…
ما يوصل لها هي الشغل منهم إلا و هو في الفورم دا…
راح توصل هي شغلها نهاية كل أسبوع للكوردينيتر اللي راح توصل شغل كل قروب هي مسؤولة عنه للبوس حقتها … يعني ما راح يوصل أي إيميل للجنة إلا من البنتين إلا أتكلمت عنهم فوق…
بعد كده يكونوا في 2 مسؤولين عن مراجعة الايميلات اللي توصل و اعتمادها عشان يرسلوها للجنة الموقع و طبعا يكون الشغل مقسم بينهم مثلا كل وحدة ماسكة شغل بنت من البنتين…
شكلي حرسم الكلام دا أحسن لأنو أنا راسي وجعني
بالنسبة للجنة الشيتات:
اللي في بالي دحين انو..
أي شيت أيا كان يوصل لوصال أو لأي بنت من البنات على طول لااااااازم يوصل للجنة الشيتات…يوصل يا لليدر حقتها أو السب ليدر…
راح تكون في لجنة لمراجعة الشيتات علميا … يعني تحدد إذا الشيت دا كامل و لا لأ ، في حاجة ممكن نضيفها له…إلخ.
و بعدين تكون في لجنة لمراجعة الشيتات (ماني عارفة ايش ممكن نسميها) بس هي اللي راح تكون مسؤولة تفقد الشيتات و الله دا خطه مرررررة كبير ما ينفع نصوره راح يكلف ورق، و لا دا في أوراق زايدة مالها داعي…إلخ.
كمان أقترح تكون في لجنة تكون مسؤولة عن طباعة الشيتات لللأشياء اللي نآخدها سوفت كوبي … يطبعوها هم بالطريقة المناسبة و بعدين تمر على اللجنتين السابقة و يشوفوا إذا ينفع يمشي حالها و لا لأ…
بعد ما يتم إعتماد الشيتات لازم يكون في لجنة كمان مسؤولة عن متابعة الشيت خلال مرحلة التصوير..يعني راح توصله للمكتبة، تتفاهم معاهم كم نسخة لازم تتصور و تتأكد كمان من نوعية وجودة التصوير و بعد كده توصل الشيتات للجامعة….
لازم كمان يكون في لجنة مسؤولة عن توزيع الشيتات..ما راح تمسكها و توزعها للبنات..لكن راح تبلغ الليدر أنها وصلت و الليدر تبلغ البنات و تكون اللجنة دي مرتبة الشيتات في مكان معين و عارفة تمام ايش هي الشيتات الموجودة وكم نسخة في من كل شيت و بعد كده إذا البنات أحتاجوا زيادة راح تحدد هي كم نسخة محتاجين و من أي شيت بالتحديد و دا الكلام يصير أول بأول بدون ما يتراكم الموضوع يعني شيت صورناه من أول السنة ما تجي تطلبه البنت آخر الترم(إذا تبغاه تروح المكتبة بنفسها و تصوره)..تبلغ اللجنة الليدر باللي محتاجين تصويره و تبلغ لجنة المتابعة عشان تصور وهكذا…
خلاص تعبت أروح أساعد ماما في المطبخ وبعدين نرجعلكم في وقت تاني
طيب فيني شوية فلسفة
نجي للشيتات
كل اللي قلتيه جميل
طيب التقسيم اللي عندي
حيكون :
طبعا وحدة ليدر حتكون على صلة مع ليدر الموقع
وتكون شجاعة تطلب المحاضرات وجريئة تجري ورى الدكاترة عشان تسير دي الشغلة وصال مالها صلاح فيها
جات فبالي فكرة خونفشارية قطعت حبل الفلسفة
خليني اشوف كيف تسير
صارلي قرابة نص ساعه وانا اقرأ فيسي صار كذا o.O
طبعا لنا عودة ، انا اليوم ما يمديني ارد
لكن في حاجتين بقولها ..
١- والله مو قصدي شي .. بس اغلب كلام سفو احس فيه رووح وشخصيه حسااام ، ذكرني ببداية ما مسكت ندى الشغل اول .. : ،،صحيح ساعات يرفع ضغطك بس كويس انو أثر فيك D ..
٢- نحتااج بنااااات + بنااات + بنااات إلى مالا نهاية لااازم الدفعة تتعلم تشتغل .. وتفهم اذا هيا مو حابه تشتغل اذن ماراح يجيها شي لا لجنه علميه ولا مسجات ولا شيتات وخليهم يحوسوا
طيب قرأت الكلام و دخت …
على قول أمول نحتاج بنااااااااات
بالنسبة للجنة العلمية :
أولا المحاضرات تتقسم على البنات المسجلين في اللجنة
ثانيا:السشنات ..في الأسبوع الأول نمسك الجداول و أسماء الدكاترة و نشوف الدكتور الأحسن هو اللي يتلخص له و الباقي بلاش ..مالوا داعي التكرار
بالتالي كل جروب مسؤوول عن تلخيص جزء من السشنات مو كلها
ثالثا:لازم يكون فيه لجنة تحت مظلة اللجنة العلمية مسؤولة إنها تجمع أسئلة السنوات اللي فاتت من بدري مو ليلة الإختبار تتصور MCQ
و يكون من مهامها تمسح الأسئلة المكررة لتوفير الوقت
……………………………….
لجنة الفلوس :
لازم تتسوى ميزانية للدفعة قبل ما تبدأ السنة
يعني لو تجمع عندنا مبلغ 10000
مثلا 3000 رسائل
5000 شيتات
و 2000 احتياط للطواريء
+
الكلام اللي قالتوا ربى
………………………..
لجنة الشيتات
قرار نهائي ممنوع تصوير الكتب ..لثلاثة أسباب
1- تصرف فلوس كثيييير
2- ورق كثيييييرو يترمى زي ما صار في اللابرتري و CNS في رابع
3-اخلال بحقوق الكاتب ..
إلي تبى تصور كتاب يكون على حسابها الخاص
طباعة الباوربوينت يكون 4 سلايدات في ورقة بحبر أسود ..توفيرا للورق ..(قانون مسلم به)
كمان يكون في لجنة تحت مظلة لجنة الشيتات مسؤلة عن إنها تعمل سوفت كوبي لكل شيت قبل الإختبارات بمدة طوييلة
ما ينطبع أي شيت قبل ما يكون عليه شعار الدفعة
_______________________
وبس
إدا افتكرت شي رجعت
ولقد إن عيوني اتفرصعت ومابقي ولا شي أقوله بس ما أقدر أجي وأمشي وأنا ساكته:
1_ أهم نقطة في الموضوع وصال الله يسعدها تفهم إنه الخطه ده ما انحطت إلا عشان كل واحد يعرف شغله ومايدخل في شغل التاني، بحيث إنه تعامل وصال مايكون غير مع الليدر الأساسية للجنة بدون أي لخبطه، وشغل اللجنه هذا شي بينها وبين نفسها<<الضمير يعود على اللجنه 2_ أي شي لما يكون فوضوي يكون متعب ولما يتعقد زيادة كمان يكون متعب، أعتقد إنه في أشياء كل مازاد عدد المشاركين فيها كل مااتلخبطت، اتفق معاكم 100% اننا محتاجين الدفعة كلها تشتغل، بس لابد إن الناس الثقة ينضغط عليهم شووووية قليلة بس وما أقصد إنهم يشيلو شغل غيرهم لأ، بس يكونو ماسكين الأشياء المرتبطة ببعض عشان لاتتوزع ويحصل فوضى<< مافي مثال في راسي دحين بس يارب تكونو فهمتو، بلغة بسيطة يكون في وحده بيدها الشغل كله في النهاية 3_ اقتراحات الشيتات اللي قلتوها ممتازة خاصة فكرة وصولها للجنة فورا ومراجعتها قبل الطباعه وتنسيقها، بالنسبة لتوزيعها ممكن كل ليدر قروب تسأل بناتها مين يبغى الشيت ويتسلم العدد لمسؤولة التصوير وبكذا مستحيل يزيد أو ينقص نسخ، ولما تتسلم ممكن تُعطى كل ليدر عدد الشيتات اللي طلبتها عشان يكون الموضوع مرتب. وأوافق رفوو على عدم تصوير الكتب لنفس الأسباب. أيوة ومشكلة اللشيتات اللي تتصور قبل الامتحان في الويك اند زي الملخصات يبغالها حل لإنها بتسبب فوضى على ما أظن (حطو لجنة تجمع الكراتين وتطبقها للضروريات هههههههههههههه) 4_ اللجنة المالية المفروض تكون جازمة حبتين، وفعلا اللي ماتدفع مالها حق في الخدمات المقدمة، يعني قبل أي شغل يتسوى ومن أول يوم يُعلن وبشكل واضح عن المبلغ وإن اللي ماتدفع لاتطلب شي، وتجمع مسؤولة اللجنة في القروب الفلوس من قروبها وتسلمها للمؤولة اللي فوقها، ويكون في ديد لاين للتسليم عشان لايخرب الموضوع، ولو سمحتو جمعوا الميزانية بعد المكافأة منعا للإحراج هههههههههه 5_ بالنسبة للردود في الموقع ممكن ينزل موضوع فيه أنواع الردود التي لن يتم اعتمادها عشان لايكثر، البنات يحبو الهرج، ووضحو إن لجنة الموقع غير مسؤولة عن الرد على الأسئلة العلمية أو اللي مالها دخل بالموقع. 6_اللجنة العلمية اقتراح رفو فيها تمام، يعني نشوف جدول السشنات ومين الدكاترة المهمين ويكون عند القروب خبر قبل السشن إنه حيخلص، والدكتور اللي حيمر على كل القروبات ممكن نكلف قروب معين يلخص سشنه لإنه أكيد حيقول نفس الكلام وندي خبر للقروبات الثانية إن حيتلخص عشان مايضيع تعب أحد زي ماكان يحصل ووحده بس هيا اللي تكون مسؤولة عن توزيع الناس اللي تلخص عشان لايحصل سوء تفاهم ووصال مااااااالها في الموضوع ولازم تعرف كدا عشان لاتخرب الدنيا زي الترم اللي فات ماذا أيضا << هذا وهيا ماعندها شي تقوله أيوه صح، إذا فيه شغل نبا ناخذه من الأولاد وحدة من مشرفي اللجنة العلمية هيا اللي تستلم وتفهم كل شي ويكون في وقت بدري مو ليلة الامتحان، عشان وصال ماتوورط في اسلام الملفات وتلخبط الدنيا عندها إذا تذكرت شي لنا عودة
^
^
ماشاء الله .. ماشاء الله
و الله أبدعتوا يا راس…
نبغى أفكار أكتر كمان…
لانو حلو كده أفكارنا تكمل بعض…
بالنسبة للي قلتي يا عبور عن توزيع الشيتات حلو كل قروب يوزع شيتاته على بناته .. بس على فكرة ما راح يكون في تصوير لأي شي الترم الأول على الأقل إلي أن تنحل مشكلة الفلوس حقت مكتبة محمد بعدها يصير خير…
ممكن نفعل لجنة الشيتات عشان نعتمد الشيتات للبنات بعد كده كل قروب يصور مع نفسه..
بالنسبة لحكاية انو تبغي بنات كتير .. يعني هم مو كتير مرة لدرجة انو الشغل يتلخبط و يحوس.. لا كل لجنة راح يكون فيها العدد اللي يكفيها و بحيث ما ينضغطوا البنات في الشغل كمان …
و بالنسبة للبنات اللي نعتمد عليهم لازم ليدرات اللجان يكون ناس ثقة و حتى البنات اللي بيشتغلوا مو أي أحد برضو راح يكونوا بنات يُعتمد عليهم
بناااااااااات
ماشاء الله تبارك الله أبدعتم ..
والله مرة الأفكار جيدة
لازم ندعي بس ربنا يسهلها ونقدر نزبط الوضع السنة الجاية ..
قلت في رد سابق فكرة كتابة الأسئلة بعد الاختبارت
وحابة أأكد عليها تاني
مررررررررة نحتاااااااااااج نكتب الأسئلة
اللجنة العلمية بليز خلوها من مهامكم عشان الدور التاني
مو بس عشان اللي بعدنا
لانو زي دحين مرة ضايعة مع البنات ومع وصال
ومستحيل أكلم أحد من اللجنة العلمية ودا ما كان من شغلهم
عارفة إني بأزيد على مهام اللجنة
وبالزبط زي ما قالت عبور
على حكاية البنات الكتير
عشان كدا لما قسمت البنات اللي عندي في اللجنة
ما احتاج أكتر من تمنية بنات
عشان يسهل التقسيم والتفاهم والاجتماعات تسير أسهل 🙂
و لا تشيلي هم أسئلة الاختبار زي ما قلت راح يكون في لجنة تابعة للجنة العلمية مسؤولة بس عن تجميع الأسئلة بعد كل اختبار
^
^
يا حلوين انتي وهيا ..
انا اول ما شفت الاقتراح تبع اسئلة الاختبار في رد سابق
قلت باذن الله انا حمسكها وطبعا لازم اخلي احد معايا مثلا بنتين ، بس حتكفل بالموضوع ان شاء الله ..
بداية اني اكون في القاعه بعد كل اختبار بحيث اذا جاوب الدكتور اي سؤال او ذكر مجموعه اسئلة مثلا يناقشها معانا نكون اتلخبطنا فيها ، ع طول اسجلها
وبعد كدا :
الأسئلة تنكتب وتسلم للجنه العلمية حقت كل اختبار باذن الله ..
ومو بس تنكتب الأسئلة نحاول كمان نحلها قدر المستطاع مع الدكاتره .. حتى لو بس نبين اننا بنتأكد من اجوبتنا …
وفي حاله الدكتور ما رضي يحلها .. ندبر نفسنا ممكن نستعين بناس ثانيه اكبر مننا طبعا دكاتره .. او رزدنت .. الخ ،
وبكذا باذن الله كل اختبار تتوفر اسئلته + اجوبته
عشان نستفيد احنا والدفعات اللي بعدنا باذن الله
……………
لي عودة ثانيه باذن الله … اصبروا علي لاني والله مشغوله دحين ..
ايوه صح عشان لا تطير الفكرة ..
انا مرره مع حكاية انو التجديد فيه تغيير للروتين وشحن للهمم وفتح مجال اكثر للابداع 😛
وعليه اقترح
بغض النظر انو وصال لازم يكون عندها كو ليدر دائمة للدفعه .. انا هنا اتكلم عن سالفه ثانيه
انو كل كورس نبدأ فيه تكون فيه بنت مسؤوله عنه ..
بمعنى فلانه حتكون مسؤوله مثل عن السايكاتري كورس ..
حتكون هذي البنت تحضر مع وصال اجتماعات القسم والترتيبات وكل شي تكون عارفاه ..
مثلا هيا اللي تمسك جدول القسم وتتفق مع لجنه الشيتات عشان يصوروه بالعدد
ومن ثم كل مسؤوله حتوزع الورق على قروبها وهكذا ( نفس تدرج المهام اللي ذكرتوه سابقا )
وتتعدد مهامها من :
١- استلام الجداول ،،
٢- تنسيق المحاضرات بحيث تأكد على السكرتاريه يعطوا خبر للدكاتره..
٣- اماكن المحاضرات …
٤- القاعه متوفر فيها اللازم داتا شو او .. الخ حسب حاجه الدكتوره ..
عشان لا تصير لخبطات السنه الماضيه محاضره ما فيها مايك ما نسمع شي ومحاضره الدكتوره ماعندها خبر وننتظر وبعدين نمشي .. الخ . // يصير لو احد يبغى يكنسل يرتبوا من بدري مع احد ثاني وكذا ….
……….الخ الى غيرها من المهام اللي ممكن تسويها حسب طبيعه الكورس واحتياجاته ..
السبب اني اقول كل سستم وحده من الثقات .. لانه حيكون مجهود شويه على البنت فحلو تقول لنفسها كلها مثلا ٤ اسابيع وارتاح خليني ابيض الوجه وكذا …
…………….
طبعا كل لجنه من اللجان السابقة اللي ذكرتوها لازم ينفتح لها ايميل
+
المفروض تتوافر قوائم بأسماء تقسيم القروبات الجديده بحيث يتم التواصل مع كل ليدر مجموعه عشان تحدد من طالباتها مسؤوله عن كل لجنه من اللجان الآنفه الذكر >> متعوب ع الكلمه 😛
بعد التحديد حتصير كل مسؤوله لجنه تاخذ اسماء البنات اللي مع لجنتها وتتواصل معاهم بالايميل توزع لهم خطة العمل وكذا .. الخ .
…….
تصدقوا نفسي احد يقدر يجبلنا دحين نظام الدراسه السنه الجايه احس لازم نعرف من بدري عشان تترتب الأمور على حسب نظامهم اللي ناويين عليه ..
يمكن الخطه تشمل امور نضطر بعدها نغير في بعض الكلام اللي قلناه
امم على فكره ترى لازم نبدأ في الخطه قبل الدراسه بأسبوع ع الأقل ..
بحيث لا تصير لخبطه بدايه السنه
احس ان شاء الله اذا ربي وفقنا ومشي دا الكلام ..
لازم من اول يوم يتم الاعلان عن ايميلات اللجان بحيث اللي عندها اي مشكله تتواصل معاهم دايركت
طبعا في الموقع يا سفو : الله يسعدكم اذا ممكن سووا خانه فيها كل ايميلات اللجان ..
او مثلا كل لجنه لها مكان اضغط عليه اكتب المسج وابعت ودايركت يوصل للجنه
ومن ضمن اللجان اكييد حقت المسجات
احس احسن بدل السنتين الماضيه تجي كل وحده وتدور على وصال او عليك وتقول ما يوصلني المسج وكذا .. اوغيرت رقمي
يصير دايركت تدخل على لجنه التواصل في موقعنا وتبعت رقمها الجديد او التعديل وخلصنا
جميل أمول
بالنسبة لفكرة التواصل دي فبالي من السنة اللي فاتت بس زي ما شفتي الحال كيف كان
بإذن الله لو مسكت الموقع السنة الجاية دا أهم جزء في الموقع 🙂
بس زي ما قلتلكم
رح يفضل الرسايل مع لجنة الاي تي اللي هي الرسايل والموقع
ومرة تانية
ما شاء الله تبارك الله جهودكم مرة حلوة
ترى مرة تحمسو ومرة شكرا انكم صحباتي 3> 3> 3>
السلام عليكم..
شغل مره جاااامد يابنات ما شاء الله
طيب دوري دحين .. حاتكلم عن SC بالتحديد
1- الهيكل حق اللجنة ضروري يكون منظم زي ما كان أيام الكلينكال عشان أنا وربى نعرف نشتغل.. بحيث يكون كالتالي
SC leader (in each group-> coordinator –> ruba & I
ممكن يكون في تفاصيل أكتر في الشجرة دي ودا حيعتمد أكتر شي على ال subjects & modules اللي حنأخدها بس هدي التقسيمة الأساسية للشغل
2- بالنسبة لآلية الشغل وإش المطلوب من البنات والجروبات دا حيتفصل أكتر لما نشوف تفاصيل الدراسة على أول الترم .. بس مبدئيا :
* إش اللي المفروض يتلخص ؟
– المحاضرات ( بالتقسيم بي الجروبات زي دايما)
– بالنسبة للسشنات أنا مع رفيف في فكرة أنه نشوف كل جروب حيأخد مع مين يصير كل جروب يصير للدكتور الفلاني في الموضوع المعين اللي حيدهم هو(بس في مشكلة الوحيدة في دي الفكرة أننا نحتاج نشوف الجداول حق الجروبات من بدري ودا أظن انها ممكن تكون صعبة شوية) زائد طبعا لو في دكتور أداهم تقسيمة او تلخيص مفيد لحاجة يكون كتر خيرهم فيها
– الحاجة اللي أنا شخصيا حابة أنه يتركز عليها الشغل دي السنة بدي التلخيصات ماتكون بشكل دش(الدش موجود في الكتب)تكون على شكل جداول وأشياء للجيب صغيرة زي ال key chain حق السنة اللي فاتت (ميزانية الأشياء وطريقة الدفع حقها يفضل تندرس مع اللجنة المالبة)
————–
3- اللجان الفرعية ومهامها :
حارجعلها تاني عشان تعبت وحروح أنام 🙂